தேசிய அளவில் இளம் கண்டுபிடிப்பாளர்கள் பங்கேற்ற “ பிக் பாங் 2025” அறிவியல் கண்காட்சி கோவை அவிநாசி ரோடு நேசனல் மாடல் மெட்ரிக் பள்ளியில் நடைபெற்றது. இந்த கண்காட்சியில் 12 முதல்17 வயதிற்குட்பட்ட மாணவர்கள் பங்கேற்றனர்.
இந்தியாவின் பல்வேறு மாநிலங்களை சேர்ந்த 1,100 சமர்ப்பிப்புகள் பெறப்பட்டன. அவற்றில் இளம் கண்டுபிடிப்பாளர்களிடம் இருந்து மொத்தம் 258 “நவீனகால சிக்கல்களுக்கு தீர்வுகாணும் வகையிலான மனித வாழ்விற்கு பெரிதும் பயனளிக்கும் “ புது மையான படைப்புகளாக அமைந்தவைகளை அறிஞர்களின் இறுதிகட்ட பரிசீலனைக்கு பிறகு 128 திட்டங்கள் தேர்ந்தெடுக்கப்பட்டன.
அதன் தொடர்ச்சியாக இறுதிகட்டத்தில் தேர்வான இளம் படைப்பாளர்களின் மெச்சத்தகுந்த படைப்புகள் கோவை பீளமேடு நேசனல் மாடல் மெட்ரிக் பள்ளியில் நடந்த அறிவியல் கண்காட்சியில் காட்சிப்படுத்தப்பட்டன.
இந்த அறிவியல் கண்காட்சியின் நிறைவு விழாவில் சிறப்பு விருந்தினராக டெல்லி, இந்திய விமானப்படை, ஏர்கமாண்டர் அஜய் குண்ணத் கலந்து கொண்டு வெற்றிபெற்ற மாணவிகளுக்கு பரிசுகளை வழங்கி பேசினார்.
கோயம்புத்தூர் மேற்கு ரோட்டரி சங்கத்தின் தலைவர் ரோட்டேரியன் ராஜேந்திரன் மற்றும் ரோட்டேரியன் நிகழ்ச்சி தலைவர் ஆர். நவநீதகிருஷ்ணன் ஆகியோர் ஏற்பாடு செய்திருந்த இந்த அறிவியல் கண்காட்சியில் முதன்மை விருந்தினராக எல் ஜி எக்விப்மெண்ட் நிறுவன தொழில் நுட்ப இயக்குனர் டாக்டர் வேணுமாதவ், ஐஎக்ஸ்ப்ளோர் அறக்கட்டளையின் இயக்குநர் டாக்டர் ராமலதா மாரிமுத்து, புரோபல் இண்டஸ்ட்ரீஸ் நிறுவன இயக்குனர் வித்யா செந்தில் குமார் கோவை பாரடே ஓசோன் நிறுவனத்தின் நிறுவனர் மற்றும் நிர்வாக இயக்குனர் கே.விவேகான தன் ஆகியோர் விழாவில் பங்கேற் றனர்,
