கோவையை மையமாகக் கொண்ட சமூக சேவை அமைப் பான க்ராப்ஸ் (CROPS), தனது 32வது ஆண்டு விழாவை இசை நிகழ்ச்சியுடன் சிறப்பாக கொண் டாடியது. இந்த சிறப்பு நிகழ்ச்சியில் இடம்பெற்ற கோயம்புத்தூர் சேம்பர் கரோல் குழுவின் இசை நிகழ்ச்சி அனைவரையும் மெய்சிலிர்க்க வைத்தது.
ஜனவரி 26 அன்று TELC சர்ச் பாரிஷ் ஹாலில் நடைபெற்ற இந்த நிகழ்வில் 50க்கும் மேற்பட்ட திறமையான பாடகர்கள் இணைந்து தங்களின் இனிமையான குரலால் பார்வையாளர்களை ஈர்த்தனர். இந்த நிகழ்ச்சிக்கான இசை இயக்கத்தையும் வழிநடத்துதலையும் கோயம்புத்தூர் சேம்பர் கரோல் நிறுவனர் மற்றும் கலை இயக்குனர் பெய்த் ராக்லாந்த் வழங்கினார். இசையில் அவருடைய கலை நுணுக்கம் மற்றும் அதிரடியான தேர்வுகள் நிகழ்ச்சிக்கு மெருகூட்டின.க்ராப்ஸ் அமைப்பின் 32 ஆண்டுகள் சமுதாய வளர்ச்சியில் ஆற்றிய பங்களிப்புகளையும், மக்களைக் கொண்டிணைக்கும் இசையின் சக்தியையும் பிரதிபலிப்பதாக இந்த நிகழ்ச்சி அமைந்ததது.
அமைப்பின் ஆதரவாளர்கள், தன்னார்வ தொண்டர்கள், மற்றும் நல் விரும்பிகள் என பலரும் இந்த நிகழ்ச்சியில் ஆர்வத்துடன் பங்கேற்றனர். நிகழ்ச்சியின் போது CROPS அமைப்பின் நிறுவனர் பிஎம்ஜி தாமஸ் பேசுகையில், “இந்த விழா எங்கள் குழுவின் கூட்டு முயற்சிகளையும் சாதனைகளையும் கொண்டாடுகிறது. இசை எப்போ தும் மகிழ்ச்சிக்கும் ஊக்கத்திற்கும் ஒரு தூணாக இருந்துள்ளது, மேலும் இன்றைய சிறப்பு நாளில் கோயம்புத்தூர் சேம்பர் கரோல் குழுவின் இசை இந்த கொண்டாட் டத்தை மேலும் சிறப்பாக்கியது, என்று நன்றியை வெளிப்படுத்தினார்.
