நிர்மலா மகளிர் கல்லூரி (தன்னாட்சி) தமிழ்த்துறை (அரசு உதவி பெறும் பிரிவு), மற்றும், சென்னை, உலகத் திருக்குறள் மையம் இணைந்து நடத்திய திருக்குறள் உலகச் சாதனை மாநாடானது திருவள்ளுவர் வரையறுத்த நலம் தரும் செயல்கள் எனும் தலைப்பில் கடந்த 25ம் தேதி திருக்குறள் வாழ்த்துடன் தொடங்கியது. தமிழ்த்துறைத் தலைவர் முனைவர் ப.மகேஸ்வரி வரவேற்றுப் பேசினார்.
நிர்மலா மகளிர் கல்லூரியின் செயலர், முனைவர் அருட்சகோதரி குழந்தை தெரஸ் தலைமையுரை வழங்கினார். முதல்வர் முனைவர் அருட்சகோதரி மேரி பபியோலா முன்னிலை வகிக்க, ராஜேந்திரா மூலிகை ஆராய்ச்சி மையத்தின் நிறுவனர், முனைவர் அருணா தேவராஜ் ராஜேந்திரன் வாழ்த்துரை வழங்கினார்.
எழுத்தாளர் இலக்கிய மாமணி சூர்யகாந்தன் உலகச் சாதனை மாநாட்டின் நோக்கவுரையில் உலகச் பொதுமறையாம் திருக்குறளின் தனித்து வத்தையும், சிறப்பையும் எடுத்துரைத்தார்.
திருக்குறளின் பெருமையினை உலகிற்கு உணர்த்தும் வகையில் 60 ஆய்வாளர்களின் கட்டுரைகளைக் கொண்ட ஆய்வுக்கோவை நூலானது எழுத்தாளர் இலக்கிய மாமணி சூர்யகாந்தன் வெளியிட நிர்மலா மகளிர் கல்லூரியின் செயலர் மற்றும் முதல்வர் ஆகியோர் பெற்றனர்.
இம்மாநாட்டில் கவிஞர் மீ.உமா மகேஸ்வரி, வள்ளுவரை உலகின் வழிகாட்டியாகக் கொண்டு வள்ளுவம் கூறும் வாழ்வியல் நெறிமுறைகளோடு வாழ்ந்து காட்டுவோம் என்று பேசினார்.
இந்நிகழ்ச்சியைத் தொடர்ந்து நடந்த முதல் அமர்விற்கு எழுத்தாளர் இலக்கியமாமணி சூர்யகாந்தனும், இரண் டாம் அமர்விற்கு தமிழ்த் துறைத்தலைவரும் உலகச் சாதனை மாநாட்டின் ஒருங்கிணைப்பாளருமான முனைவர் ப.மகேஸ்வரியும் மூன்றாம் அமர்விற்கு தமிழ்த்துறையின் உதவிப் பேராசிரியர் முனைவர் சு.இராமதிலகமும் தலைமை ஏற்று நடத்தினர்.
பல்வேறு கல்லூரிகளில் இருந்து, பேராசிரியர்கள், ஆய்வு மாணவர்கள், தமிழ் ஆர்வலர்கள் என 60 கட்டுரையாளர்கள் பங்கேற்று ஆய்வுக்கட்டுரையின் மூலம் தங்களது கருத்துக்களை எடுத்துரைத்தனர்.
திருக்குறள் உலகச் சாதனை மாநாட்டின் நிகழ்ச்சியைத் தமிழ்த் துறையின் உதவிப் பேராசிரியர் முனைவர் சகோதரி தோ.கிரேசி தொகுத்து வழங்கியதோடு இணைப்புரையும் வழங்கினார். மாநாட்டின் நிறைவாக, தமிழ்த்துறையின் உதவிப் பேராசிரியர் முனைவர் சகோதரி ஆ.விண்ணரசி நன்றி கூறினார்.
