சேலம் தியாகராஜர் பாலிடெக்னிக், சோனா தொழில்நுட்பம் மற்றும் கலை அறிவியல் கல்லூரி மாணவர்களுக்கான விளையாட்டு விழா கல்லூரி மைதானத்தில் நடைப் பெற்றது. சோனா கல்வி குழுமத்தின் துணைத்தலைவர் தியாகுவள்ளியப்பா தலைமை வகித்தார்.
முன்னதாக கல்லூரியின் விளையாட்டு துறை இயக்குனர்கள் சௌந்தராஜன், ஸ்ரீதரன், அனிதா ஆகியோர் இந்த ஆண்டிற்கான விளையாட்டு அறிக்கையை சமர்பித்தனர். விழாவில் முதன்மை விருந்தினராக இந்திய தேசிய கபடி அணியின் முன்னாள் உறுப்பினர் கணேசன், மற்றும் தமிழ்நாடு காவல் துறை துணை காவல் ஆய்வாளர் துர்காதேவி ஆகியோர் கலந்து கொண்டு சிறப்புரையாற்றினார்கள்.
இதனைத் தொடர்ந்து தேசிய அளவில் நடைபெற்ற போட்டிகளில் பங்கேற்று சாதனை படைத்த சோனா கல்வி நிறுவனங்களின் மாணவ மாணவிகளுக்கு தியாகுவள்ளியப்பா மற்றும் சிறப்பு விருந்தினர்கள் பரிசுகளை வழங்கி பாராட்டினர்.
மண்டல, மாநில, அகில இந்திய பல்கலைக்கழக அளவிலான பழுதூக்குதல், சதுரங்கம், கைப்பந்து, கூடைப்பந்து, டேபிள் டென்னிஸ், பேட்மிண்டன், பிரிவுகளில் வெற்றி பெற்ற அணிகளுக்கும் சூழற்கோப்பை வழங்கப்பட்டது. மேலும் கல்லூரியில் பணிப்புரியும் பேராசிரியர்கள் மற்றும் பணியாளர்களுக்காக நடத்தப்பட்ட போட்டிகளில் வெற்றி பெற்றவர்களுக்கும் பரிசுகள் வழங்கப்பட்டது.
இந்த விழாவில் சோனா கல்வி குழுமத்தின் இயக்குனர் வீ.கார்த்திகேயன், முதல்வர்கள் எஸ்.ஆர்.ஆர்.செந்தில்குமார், ஜீ.எம்.காதர்நவாஷ், ஏ.கனகராஜ் மற்றும் இ.ஜெ.கவிதா ஆகியோர் கலந்து கொண்டனர்.
இந்த விளையாட்டு விழாவிற்கான ஏற்பாடுகளை விளையாட்டு துறை இயக்குனர்கள், சௌந்தராஜன், ஸ்ரீதரன், அனிதா உள்ளிட்ட குழுவினர் சிறப்பாக செய்திருந்தனர்.
