கோவை கேபிஆர் பொறியியல் மற்றும் தொழில்நுட்பக் கல்லூரியில் 76வது குடியரசு தின விழா கொண்டாடப்பட்டது.
இதில் கல்லூரி முதல்வர் முனைவர் சரவணன் தலைமை தாங்கி, குடியரசு இந்தியாவின் வளர்ச்சிக்கு கேபிஆர் பொறியியல் கல்லூரியின் பங்களிப்பைப் பற்றி எடுத்துரைத்தார்.
தேசியக் கொடியை ஏற்றி சிறப்புரையாற்றிய இந்திய ராணுவத்தில் பணிபுரிந்து ஓய்வு பெற்ற கர்னல் வி சஜீவ் “இறக்குமதி செய்து கொண்டிருந்த காலம் சென்று இப்போது இந்தியா 75க்கும் மேற்பட்ட நாடுகளுக்கு தரமான இராணுவ உபகரணங்கள் மற்றும் ஆயுதங்களை ஏற்றுமதி செய்கிறது” என்றார்.
அதைத் தொடர்ந்து தேசிய மாணவர் படையினரின் அணிவகுப்பு, தேசப்பற்றை பறைசாற்றும் மாணவ மாணவியரின் நடனம், டிரோன் சாகசம் மற்றும் தமிழர் பாரம்பரிய தற்காப்பு கலையான சிலம்பாட்ட நிகழ்ச்சி ஆகியவை நடைபெற்றது.
மேலும் விழாவில் பல்வேறு பிரிவுகளில் சிறந்து விளங்கிய மாணவர்களுக்கும் பேராசிரியர்களுக்கும் பாராட்டு மடல் மற்றும் விருதுகள் வழங்கப்பட்டது.
