மரவேலை மற்றும் மரச்சாமான்கள் உற்பத்தி தொழில்நுட்பம் தொடர்பான ‘இந்தியாவுட் 2024 மாநாடு’ பெங்களூரில் உள்ள பெங்களூர் சர்வதேச கண்காட்சி மையத்தில் பிப்ரவரி 22 முதல் 26 வரை நடைபெற உள்ளது.
75 ஆயிரம் சதுர மீட்டர் உள்ள இந்த கண்காட்சி மையத்தில் 50 நாடுகளைச் சேர்ந்த 950 நிறுவனங்கள் பங்கேற்க உள்ளன. இந்த கண்காட்சிக்கு 75 ஆயிரத்திற்கும் மேற்பட்ட வர்த்தகப் பார்வையாளர்கள் வருவார்கள் என்று எதிர்பார்க்கப்படுகிறது.
இந்த மாநாட்டில் சமீபத்திய கண்டுபிடிப்புகள், தொழில்நுட்பம் மற்றும் இணையற்ற நெட் வொர்க்கிங் வாய்ப்புகள் குறித்து காட்சிப்படுத்தப்பட உள்ளன.
மிகப்பிரமாண்ட முறையில் இந்தியாவுட் 2024 என்ற பெயரில் நடைபெறும் இந்த மா நாடு உலகம் முழுவதும் உள்ள தொழில்துறை தலைவர்கள், தொழில்நுட்ப சப்ளையர்கள் மற்றும் வாங்குபவர்களை ஒருங்கிணைக்கிறது.
இதில் தொழில்நுட்ப வல்லுனர்கள் மற்றும் சிந்தனைத் தலைவர்கள் தலைமையிலான கருத்தரங்குகள், பயிற்சி பட்டறைகள் மற்றும் குழு விவாதங்கள் ஆகியவை இடம்பெற உள்ளன.
இதில் பங்கேற்பவர்கள் அதிநவீன எந்திரங்கள் மற்றும் தொழில்நுட்பம், பொருட்கள் மற்றும் வினியோகங்கள், பொருத்து தல்கள், சாப்ட்வேர் மற்றும் உதிரி பாகங்கள் மற்றும் தொழில்துறை சேவைகள் குறித்து விரிவாக காட்சிப்படுத்த இருக்கிறார்கள்.
இதனுடன் இந்தியா மெட்ரெஸ்டெக் -அப் ஹோல்ஸ்டரி சப்ளைஸ் எக்ஸ்போ, வுட்+ ஆர்கி டெக்சர் அன்ட் டிசைன் கண்காட்சி மற்றும் சர்பேஸ் இன் மோஷன் இந்தியா ஆகிய நிகழ்ச்சிகளும் இந்த மாநாட்டில் இடம்பெற உள்ளன.
இந்திய மரச்சாமான்கள் உற்பத்தித் தொழிலுக்கான உலகளாவிய வாய்ப்புகளை சமீபத்தில் இந்திய அரசு தேசிய போக்குவரத்து பாஸ் அமைப்பை அறிமுகப்படுத் தியது, இது நாடு முழுவதும் வனப் பொருட்களை ஒரே அனுமதி மூலம் தடை யற்ற போக்குவரத்தை எளிதாக்குகிறது, இது சந்தேகத்திற்கு இடமின்றி வணிகத்தை எளிதாக்குவதற்கு பங்களிக்கும் மற்றும் முழு மதிப்புச் சங்கிலியையும் ஊக்குவிக்கும்.
இந்திய மரச்சாமான்கள் சந்தையின் மதிப்பு 32 பில்லியன் டாலராக நிர் ணயிக்கப்பட்டுள்ளது, கூட்டு ஆண்டு வளர்ச்சி விகிதம் 20 முதல் 25 சதவீதமாக உள்ளது.
உலக சந்தையில் இந்தியா 5 சதவீத பங்கை மட்டுமே கொண்டிருப்பதால் ஏற்றுமதிக்கான சாத்தியம் மிகப்பெரியது. மரச் சாமான்கள் ஏற்றுமதி 2013-2014 நிதியாண்டில் 1952 கோடி ரூபாயில் இருந்து 2022-2023 நிதியாண்டில் 6790 கோடி ரூபாயாக அதிகரித்துள்ளது. இது 248 சதவீத வளர்ச்சியாகும்.
நியூர்ன்பெர்க்மெஸ்ஸே இந்தியா நிர்வாக இயக்கு னர் சோனியா பிரஷார் கூறியதாவது: இந்தியாவுட் 2024, இந்தியாவின் மர வேலை மற்றும் மரச் சாமான்கள் உற்பத்தித் தொழிலின் நோக்கம் மற்றும் ஆர்வத்தை முன் னிலைப்படுத்துவதில் முக்கியம் வாய்ந்ததாக இருக்கும்.
வரவிருக்கும் மாநாடு இதுவரை இல்லாத மிகப்பெரியது மட்டுமல்ல, உற்பத்தி அளவுகள் மற்றும் தொழில்நுட்பத்தின் அடிப்படையில் இந்தத் துறை எடுத்திருக்கும் பெரிய முன்னேற்றங்களையும் பிரதிபலிக்கிறது. இவ்வாறு அவர் தெரிவித்தார்.
இந்திய சந்தை மற்றும் தொழில்துறையின் வளர்ச்சி பற்றிஎஸ்சிஎம்குழும பொது மேலாளர் மற்றும் எஸ்சிஎம்வுட் பிரிவு இயக் குனரும், யூமாபோயிஸ் கூட் டமைப்பு தலைவர் லூய்கி டி விட்டோ கூறுகையில், இந்திய சந்தை உலகளாவிய தேவையை பூர்த்தி செய்யும் விதமாக வளர்ந்து வருகிறது, இது உயர் தொழில்நுட்ப தீர்வுகள் மற்றும் ஒருங்கிணைந்த அமைப்புகளை வழங்கு வதற்கு சிறந்த நிலையில் உள்ளது.
ஐரோப்பிய மற்றும் இந்திய உற்பத்தித் துறைகள் தங்கள் கூட்டாண்மையை வலிமைப்படுத்தவும், வர்த் தகம், டிஜிட்டல் மயமாக்கல் மற்றும் நிலைத்தன்மை ஆகியவற்றின் அடிப்ப டையில் வரவிருக்கும் ஆண்டுகளில் ஒருங்கிணைந்து செயல்பட்டு சிறப்பான வளர்ச்சியை நோக்கிச் செல்லும் வாய்ப்புகள் உள்ளது என்று தெரிவித்தார்.
