டாக்டர் என்.ஜி.பி. தொழில்நுட்பக் கல்லூரியின் 13வது பட்டமளிப்பு விழா கல்லூரி வளாகத்தில் நடைபெற்றது.
இந்நிகழ்வின், தொடக்கமாக, டாக்டர். என்.ஜி.பி. ஆராய்ச்சி மற்றும் கல்வி அறக்கட்டளையின் தலைமை நிர்வாக அதிகாரியான டாக்டர் ஓ.டி.புவனேஸ்வரன் வரவேற்புரை வழங்கினார்.
அறக்கட்டளையின் தலைவர் டாக்டர் நல்ல.ஜி.பழனிசாமி தலைமை வகித்தார்.
டெல்லியை சேர்ந்த அகில இந்திய தொழில்நுட்பக் கல்வி கவுன்சிலின் (AICTE) உறுப்புச் செயலர் பேராசிரியர். ராஜீவ்குமார் சிறப்பு விருந்தினராக கலந்து கொண்டு பேசினார்.
நடப்புக் கல்வியாண்டுக்கான ஆண்டறிக்கையை கல்லூரியின் முதல்வர் டாக்டர். எஸ்.யு.பிரபா சமர்ப்பித்தார். டாக்டர் என்.ஜி.பி. கல்வி குழுமங்களின் அறங்காவலர் டாக்டர் தவமணி. டி.பழனிசாமி பட்டமளிப்பு விழாவின் வாழ்த்துரையை வழங்கினார்.
கல்வி குழுமங்களின் அறங்காவலர்களில் ஒருவரான டாக்டர் அருண் என். பழனிசாமி பட்டம் பெற்ற மாணவ, மாணவியர்களை வாழ்த்திப் பேசினார்.
இவ்விழாவில் வெவ்வேறு பாடப் பிரிவுகளில் இருந்து இளநிலை மற்றும் முதுநிலைப் பட்ட வகுப்புகளில் பயின்ற 567க்கும் மேற்பட்ட மாணவ, மாணவியர்கள் தங்களது பட்டங்களைப் பெற்றனர். இப்பட்டமளிப்பு விழாவில் கல்லூரியின் அனைத்துத் துறைத் தலைவர்களும் பேராசிரியர்களும் பெற்றோர்களும் கலந்து கொண்டனர்.
