கோவை நல்லாம்பாளையம் அம்ருதவித்யாலயம் பள்ளியில் 2024-2025 ஆண்டு விளையாட்டு விழா இருநாட்கள் நடைபெற்றது. நல்லாம்பாளையம், எட்டிமடை மற்றும் காளப்பட்டி அம்ருத வித்யாலயங்களின் மேலாளர் ஸ்வாமினி முக்தாம்ருத ப்ராணா தலைமைத் தாங்கினார்.
இந்நிகழ்வில் கோவை ரெட் ஃபீல்ட்ஸின் நிர்வாக ஆணையாளர், லெப்டினன்ட் கலோனல் பி.கே.பிஜு மற்றும் இந்திய வானியல் படையின் குழுத்தலைவர் ரிச்சார்டு மோசஸ் ஆகியோர் கலந்து கொண்டு சிறப்பித்தனர்.
லெப்டினன்ட் கலோனல் பிஜு பி. கே மாணவர்களின் முயற்சிகளைப் பாராட்டி, நேர்மறையான விளையாட்டு மனப்பான்மையை வளர்த் துக் கொள்வதன் அவசியத்தை வலியுறுத்தியது மட்டுமல்லாமல் பெற்றோரின் உறுதியான ஆதர வுக்காக நன்றி தெரிவித்தார்.
இந்நிகழ்வின் போது உரையாற்றிய ரிச்சார்டு மோசஸ், “மாணவர்களாகிய நீங்கள் எல்லோரும் நட்சத்திரங்களைப் போன்று ஒளிர வேண்டும். சவால்களே வெற்றிக்கான படிக் கற்களாகும்.
வாழ்வில் நாம் எதிர்கொள்ளும் தடைகள் நம்மை வலிமை அடையச் செய்கின்றன. தோல்வி அடைந்தால் மனம் தளராது முன்னேறுங்கள். கவனத்துடனும், நம்பிக்கையுடனும் நன்மைக்காக உழைத்திடுங்கள், என்று கூறினார்.
கொங்குநாடு கலை மற்றும் அறிவியல் கல்லூரியின் உடற்கல்வி இயக்குனர், டாக்டர் பி.கே.கவிதா ஸ்ரீ மற்றும் அவினாசிலிங்கம் ஹோம் சயின்ஸ் மற்றும் பெண்களுக்கான உயர்கல்வி நிறுவனத்தின் உடற்கல்வி துணை இயக்குனர் டாக்டர் நந்தினி ஆகியோர் விடாமுயற்சி, ஓய்வு மற்றும் நேர மேலாண்மையின் முக்கியத்துவத்தை விளக்கி, தடை களை வளர்ச்சிக்கான வாய்ப்பு களாகப் பயன்படுத்தி, கல்வி மற்றும் விளையாட்டுத் துறைகளில் மாணவர்கள் முன்னேறுவதற்கு ஊக்குவித்தனர்.
இரண்டு நாள் நடைபெற்ற இந்த நிகழ்வில் அணிவகுப்புகள், தடகளப் போட்டிகள், கலாச்சாரக் காட்சிகள் மற்றும் பெற்றோர்கள் மற்றும் ஊழியர்களுக்கான விளையாட்டுகள் ஆகியவை இடம்பெற்றன. வெற்றி பெற்ற மாணவர்களைப் பாராட்டி பரிசு வழங்கப்பட்டது.
