தேசிய சாலை பாதுகாப்பு மாதத்தையொட்டி, நாமக்கல்லில் விழிப்புணர்வு மனித சங்கிலி நடைபெற்றது. தேசிய சாலை பாதுகாப்பு மாதம் ஜனவரி 1 முதல் 31-ஆம் தேதி வரை நடைபெறுகிறது.
இதனையொட்டி பல்வேறு துறைகள் சார்பில் விழிப்புணர்வு நிகழ்ச்சிகள் நடைபெற்று வருகின்றன.
அந்த வகையில், நாமக்கல் தெற்கு, வடக்கு வட்டார போக்குவரத்து அலுவலகங்கள், ரெட் கிராஸ் மற்றும் காவல்துறை, பிஜிபி கல்விக் குழுமம் ஆகியவை சார்பில் நாமக்கல் பூங்கா சாலையில் விழிப்புணர்வு மனித சங்கிலி நடைபெற்றது.
இதனைத் தொடர்ந்து, வாகன ஓட்டிகளுக்கு துண்டு பிரசுர ங்கள் விநியோகிக்கப்பட்டன.இந்த விழிப்புணர்வு மனித சங்கிலியில் பிஜிபி கல்லூரி மாணவ–மாணவிகள், போலீசார், ரெட் கிராஸ் அமைப்பினர் மற்றும் பொதுமக்கள் திரளாக கலந்து கொண்டு, போக்குவரத்து விதிமுறைகளை கடைபிடிக்க வேண்டியதன் அவசியம் குறித்து விழிப்புணர்வு பதாகைகளை கைகளில் ஏந்தியபடி கோஷங்கள் எழுப்பினார்கள்.
இந்த நிகழ்வில், தெற்கு வட்டார போக்குவரத்து அலுவலர் முருகன், மோட்டார் வாகன ஆய்வாளர்கள் உமா மகேஸ்வரி, நித்யா, ரெட் கிராஸ் மாவட்ட ஒருங்கிணைப்பாளர் ராஜேஷ்கண்ணன் மற்றும் மாணவ, மாணவிகள் காவல்துறையினர் பொதுமக்கள் பலர் கலந்து கொண்டனர்.
