வேளாண்மை பல்கலைக் கழகத்தில் மாநில அளவிலான உழவர் தின விழா கண்காட்சி வரும் 26 ஆம் தேதி முதல் 29ஆம் தேதி வரை நடைபெறுகிறது.
இது குறித்த பத்திரிக் கையாளர் சந்திப்பு பல்கலைக் கழக வளாகத்தில் இன்று நடைபெற்றது. அப்போது பல்கலைக்கழக துணைவேந்தர் முனைவர்.வெ.கீதாலட்சுமி கூறியதாவது:
தமிழக அரசின் வேளாண்மை மற்றும் உழவர் நலத்துறை, இந்திய வேளாண் ஆராய்ச்சி கழகம் ஆகியவை இணைந்து நடத்தும் இந்த கண்காட்சியில் 300-க்கும் மேற்பட்ட அரங்குகள் அமைக்கப்பட உள்ளது. இதில் தொழில்நுட்ப கருத்தரங்குகள், செயல் விளக்கங்கள், புதிய பயிர் ரகங்கள், பயிர் ஊக்கிகள், பூச்சி நோய் எதிர்ப்பு காரணிகள், அங்கக வேளாண் இடுபொருட்கள், நானோ தொழில்நுட்பங்கள், மதிப் பூட்டல் தொழில்நுட்பங்கள், டிஜிட்டல் வேளாண்மை, நீர் பாசன கருவிகள் ஆகியவை காட்சிப்படுத்தப்பட உள்ளது.
இந்நிகழ்வில் தமிழகத்தைச் சேர்ந்த ஆறு விவசாயிகளுக்கு வேளாண்மை விருதுகள் வழங் கப்பட உள்ளது.
இக்கண்காட்சியின் துவக்க விழாவில் மாநில உழவர் நலத்துறை அமைச்சர் எம்.ஆர்.கே.பன்னீர் செல்வம், வீட்டு வசதி துறை அமைச்சர் முத்துசாமி, தமிழ் வளர்ச்சி துறை அமைச்சர் மு.பெ.சாமிநாதன் மற்றும் வேளாண் துறை முதன்மைச் செய லாளர், வேளாண் ஆராய்ச்சி கழகத் தின் இயக்குனர்கள், வங்கி அதி காரிகள் ஆகியோர் கலந்து கொண்டு சிறப்பிக்க உள்ளனர்.
இந்த கண்காட்சியில் மாறிவரும் காலநிலைக்கு ஏற்ப வேளாண் விளைச்சல் குறித்தும், செயற்கை நுண்ணறிவு தொழில்நுட்பம் குறித்தும், சிறு குறு விவசாயிகளுக்கான வங்கி கடன் செயல்முறைகள் குறித்தும், பயிர் காப்பீடு திட் டம், சுயதொழில் வாய்ப்பு, தொலைதூரக் கல்வி, தோட் டக்கலை ஆகியவை குறித்து உரிய விளக்கங்கள் வேளாண் ஆராய்ச்சியாளர்கள், விஞ்ஞானி கள் மற்றும் அதிகாரிகளால் அளிக்கப்பட உள்ளது.
இக்ண்காட்சியினை பார்வை யிட அனுமதி முற்றிலும் இலவசம். நாள்தோறும் சுமார் 10,000 விவசாயிகள், வேளாண் கல்லூரி மாணவ மாணவிகள், விவசாய ஆர்வலர்கள், பொதுமக்கள் பார்வையிடுவார்கள் என எதிர்பார்க்கிறோம்.
இக்கண்காட்சியில் தமிழ்நாடு வேளாண்மை பல்கலைக் கழகத்தில் உள்ள ஆராய்ச்சி நிலையங்கள், இணைப்பு கல்லூரிகள், வேளாண்மை அறிவியல் நிலையங்கள், இந்திய வேளாண்மை ஆராய்ச்சி கழகத்தின் நிறுவனங்கள், தனி யார் நிறுவனங்கள், உழவர் உற்பத்தியாளர் நிறுவனங்கள், விரிவாக்க சேவை நிறுவனங்கள், வங்கிகள் ஆகியவை கலந்து கொள்ள உள்ளன.
இவ்வாறு அவர் கூறினார்.
