இன்று (30ம் தேதி) நீலகிரி மாவட்ட ஆட்சித்தலைவர் லட்சுமி பவ்யா தண்ணீரு உங்களைத் தேடி உங்கள் ஊரில் திட்டத்தின் கீழ் பந்தலூர் வட்டம் நெல்லியாளம் நகராட்சி ஆரம்பப் பள்ளியில் முதலமைச்சரின் காலை உணவு திட்டத்தின் கீழ் பள்ளி மாணவ, மாணவியர்களுக்கு வழங்கப் படும் உணவு வகைகளை நேரில் பார்வை யிட்டு ஆய்வு மேற்கொண்டார்.
அதனை தொடர்ந்து மாவட்ட ஆட்சித் தலைவர் அவர்கள் பந்தலூர் பகுதியில் செயல்பட்டு வரும் நீலகிரி மாவட்ட மத்திய கூட்டுறவு வங்கியில் (பந்தலூர் கிளை) நேரில் பார்வையிட்டு, நகை கடன் வழங்கப்பட்ட விவரங்கள் குறித்து ஆய்வு மேற்கொண்டார்.
பின்னர், பந்தலூர் கிளை நூலகத்தில் திடீர் ஆய்வு மேற்கொண்ட மாவட்ட ஆட்சித் தலைவர் தினந்தோறும் நூலகத்திற்கு வருகை தரும் நபர்களின் எண்ணிக்கை குறித்து கேட்டறிந்து, போட்டித் தேர்வுக்காக வைக்கப்பட்டுள்ள புத்தகங்களை பார்வை யிட்டும் ஆய்வு மேற்கொண்டார்.
உடன் கூடலூர் வருவாய் கோட்டாட்சியர் செந்தில் குமார் , பந்தலூர் வட்டாட்சியர் சிராஜுன் நிஷா உட்பட பலர் உடன் இருந்தனர்.
